Vetvarja e një 13 vjeçari në Lushnjë ka alarmuar sërish në lidhje me mungesën e kontrollit prindëror në aksesin e internetit nga fëmijë dhe adoleshentë.
Pas kësaj ka reaguar edhe ministrja e Arsimit Evis Kushi ndërsa deklaron se është e tronditur nga kjo ngjarje.
“URGJENTE!
Jam shumë e tronditur nga ngjarja e fundit e 13 vjeçarit në Lushnje!
Aksesi i fëmijëve në internet për një kohë të gjatë dhe në burime apo informacione të pakontrolluara dhe të parekomandueshme për moshën e tyre është një nga çështjet që unë kam ngritur vazhdimisht në takime të ndryshme. Edhe para pak ditësh e ngrita si alarm në takimin e zhvilluar në kuadër të projektit “Shkolla për Shëndetin” ku theksova nevojën e një debati të gjerë publik për këtë emergjencë shoqërore.
Jo vetëm shkollat dhe institucionet, por edhe familjet dhe çdo individ duhet të marrë sot përgjegjësinë për këto raste fatale!”, shkruan Kushi.
13-vjeçari Arjet Sulovari i cili humbi ketën një ditë më parë në profilin e tij në Tik-Tok paraqet një imazh mjaft depresiv, dhunë dhe vetmi. Ai madje profilin e kishte hapur me emrin ‘Djali i keq’.
Ekspertet janë duke këqyrur profilin e të miturit pasi dyshimet kryesore të vetëvarjes së tij është pas një loje në Tik-Tok, që ka përfunduar në tragjedi. a.b
