Shkarkohet nga detyra sekretarja e PD në Sarandë për foltoren. Si ndodhi shkarkimi. Reagimi i Nishanit

Sekretaria e degës së PD në Sarandë, Matilda Qurku është shkarkuar sot nga detyra që mbante pas mbështetjes së Foëtores.

Qurku u shkarkua gjatë mbledhjes së kryesisë së degës lokale.

Ajo u mblodh me rend dite përgatitjet për Kuvendin Kombëtar të 18 dhjetorit (siç duket edhe nga njoftimi i shpërndarë në WhatsApp), por në vend të kësaj, anëtarët kanë hedhur në votim shkarkimin e Sekretares së Degës, e cila nuk ka qenë e pranishme në mbledhje, deklaron Qurku në një postim në rrjetet sociale.

“Zyrtarisht nuk kam asnjë njoftim nga pengmarrësit e vulës dhe selisë qëndrore, por asnjë problem. Ndihem e nderuar që më kanë shkarkuar pasi zgjodha të jem në krah të demokratëve dhe jo servile. Shihemi në datën 11 Dhjetor në Kuvendin e Demokratëve”, shprehet Matilda Qurku.

Reagimi
Dega e Sarandës sot ka patur një mbledhje Kryesie me rendin e njoftuar më poshtë (fotua bashkë ngjitur)
Në këtë mbledhje unë nuk pata mundësi të marr pjesë për arsye familjare por sapo më njofton një antarë Kryesie prezent në mbledhje që qenkam shkarkuar dhe paskan bërë edhe propozime për zëvendësimin e pozicionit tim .

Zyrtarisht nuk kam asnjë njoftim nga pengmarrësit e vulës dhe selisë qëndrore,por asnjë problem..
Ndihem e nderuar që më kanë shkarkuar pasi zgjodha të jem në krah të demokratëve dhe jo servile…

Shihemi në datën 11 Dhjetor në Kuvendin e Demokratëve.

Fill mëmpas ka reaguar edhe ish Presidenti Nishani i cili e quan të pamoralshëm vendimin që sipas tij është marrë nga Basha në Tiranë.

“Kush janë këta që shkarkojnë Sekretaren e Degës së Sarandës, pa asnjë arsye, pa kurrfarë legjitimiteti statutor, pa kurrfarë gjykimi, dëgjimi, shqyrtimi e vendimi të Kryesisë.
Ju them unë se kush jeni ju.
Jeni ca banditë ordinerë !
Mjeranë vulgarë që nuk keni as konceptet e turpit, moralit, formatit të ekzistencës së një humani.
Ju nuk keni asnjë element ku të krahasoheni me një zonjë të nderuar që i jep dinjitet familjes së saj, qytetit të Sarandës, Partisë Demokratike, vetë kësaj shoqërie”, komenton Nishani.

Vendimi i kryesisës së Sarandës u bë në shkelje të rëndë të statutit dhe rregullores së funksionimit të partisë, pa kuorum. Në mbledhjen e kryesisë morën pjesë vetëm 13 anëtarë të kryesisë nga 35 anëtarë që janë gjithsej.

m.k

/DRONI.al/