Ish kryeministri Berisha që po drejton një aksion politik për një kuvend të ri të PD tha sot se kryesia e lajmëruar nga Basha për tu mbledhë sot pasdite është e paligjshme.
Berisha tha në një intervistë për tv klan se vetëm 16 anëtarë janë legjitim ndërsa 22 të tjera janë zgjedhë jashtë rregullave të statutit të PD.
I pyetur nga gazetari nëse i druhet një përjashtimi nga PD, Berisha tha se cdo vendim i asaj kryesie është i paligjshëm.
Kryetari i PD, Lulzim Basha ka lajmëruar sot mbledhjen e kryesisë së PD ndërkohë që PD është përfshirë nga një krizë e thellë pas përplasjes se foltores drejtuar nga Berisha dhe PD zyrtare.
“Në mbështetje të pikës 4, të nenit 45 të Statutit të PDSH, nesër, datë 15.11.2021, ora 16:00, do të zhvillohet mbledhja e Kryesisë së Partisë, me rend dite: ‘Diskutime dhe vendimmarrje mbi situatën politike, si dhe marrjen e masave për të mbrojtur interesin e Partisë Demokratike dhe funksionimin demokratik të organeve të saj’, thuhet në njoftimin e kryetarit për anëtarët e kryesisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
