Dy persona mbetën të vrarë këtë mbrëmje në Astit, Tiranë pas një atentati mafioz. Ata u qëlluan rreth orës 19.30, nga një makinë më lëvizje tek një kryqëzim i njohur si dy rrathët.
Të vrara mbetën Erigels Mihasi 32 vjeç dhe Armando Dumani 26 vjeç.
Pak kohë më vonë një makinë e tipit toyota u gjet në flakë në Thumanë. Dyshohet se makina u përket autorëve të krimit.
Targat e mjetit toyota qe u gjet i djegur janë AA 532 ON, dhe rezultojnë të vjedhura në Tiranë.
Nga ky mjet dyshohet se eshte qelluar me armë. m.k
Detajet e policisë:
Tiranë/ Informacion shtesë
Në lidhje me informacionin paraprak të dhënë pak më parë, për ngjarjen e ndodhur te “2 rrathët” në Unazë të Re, ju bëjmë me dije se :
Grupi hetimor ka bërë identifikimin e dy personave që kanë humbur jetën si pasojë e të shtënave me armë zjarri:
Drejtuesi i mjetit shtetasi E. M., 32 vjeç dhe pasagjeri shtetasi A. D., 26 vjeç.
Ndërkohë në Thumanë është gjetur një automjeti tip “Toyota” duke u djegur dhe dyshohet se është automjeti që kanë përdorur autorët e ngjarjes.
Targat e mjetit të djegur rezultojnë të vjedhura në Tiranë.
Grupi hetimor nën drejtimin e Prokurorisë po punon për dokumentimin e ngjarjes si dhe grumbullimin e provave që çojnë në identifikimin e autorëve të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
