Gjykata e Posaçme e Apelit vendosi ta lërë në burg Adriatik Llallën duke rrëzuar kërkesën e ish-kryeprokurorit për pezullimin e ekzekutimi të dënimit me 2 vite burg.
Ish-kryeprokurori shqiptar u dënua me vendim të formës së prerë nga Gjykata, edhe 5 vite përjashtim nga shërbimet publike, për fshehjen e pasurisë në tre episode.
Vendimi u dha sot nga gjyqtarja e Apelit, Nertina Kosova, ndërkohë që një ditë më parë çështja u shty për gjykim.
Ish-kryeprokurori Adriatik Llalla, nëpërmjet avokatit të tij mbrojtës kërkoi pezullim të dënimit me 2 vite burg për shkak të problemeve shëndetësore që ka.
Adriatik Llalla është dënuar me 2 vite burg dhe 5 vite përjashtim nga shërbimet publike, për fshehjen e pasurisë në tre episode. Ai është arratisur nga Shqipëria dhe për këtë SPAK e ka shpallur në kërkim ndërkombëtar. a.b
