Një numër i konsiderueshëm i qytetarëve protestuan këtë pasdite kundër rritjes së çmimeve ndërsa shiu nuk ibpengoi të vazhdonin për gati një orë.
Protestuesit folën njëri pas tjetrit ndërsa në fund nuk ishin dakord për datën e protestës tjetër.
I është bashkuar protestës edhe aktori i njohur i humorit, Florian Binaj.
Në fjalën e tij, aktori i bëri thirrje te rinjve, por edhe kolegëve të tij artistë që t’i bashkohen protestës, pasi sic tha ai nuk i ulen ndjekësit në instagram.
Të gjithë e duam Shqipërinë në Evropë tha Binaj, por vetëm çmimet e larta i kemi si Evropa.
“Përshëndetje ju që keni ardhur këtu, ju qe keni ardhur nga jashtë shtetit dhe qytetet e largëta.
Sot do të doja të ishin të rinj dhe të reja dhe mos ta shikonin protestën nga Instagram. Bravo të gjithëve ju që keni ardhur.
U bëj thirrje atyre që nuk kanë ardhur të vijnë se nuk u ulen ndjekësit në Instagram nëse proteston për padrejtësitë.
U bëj thirrje artistëve, kolegëve eja protestoni për qytetarët se nuk u bien ndjekësit në instagram nëse dilni protestoni.
Jemi të gjithë këtu, sepse të gjithë e duam Shqipërinë si Evropa, por vetëm çmimin e naftës e kemi si Evropa. Të gjithë e duam Shqipërinë si Evropa por vetëm çmimet e qirave të shtëpive i kemi si Evropa.
Të mblidhemi ta bëjmë këtë vend dhe mos të rrimë me atë shprehjen “shyqyr na dhjeu zogu do na eci mbarë”, tha aktori Binaj. m.k
