Presidentit i Republikës, Ilir Meta ka komentuar nismën e re të ish-kryeministrit Sali Berisha për të rimarrë drejtimin e Partisë Demokratike, pas vendimit të Lulzim Bashës për ta përjashtuar atë nga Grupi i PD-së edhe pse tha se kjo nuk “ishte detyra e tij për ta komentuar”.
Ilir Meta tha se Sali Berisha është si verë, që sa më shumë kalon koha aq më shumë tërheqës bëhet.
“Nuk dëshiroj të merrem me çështje të tilla pasi nuk është detyra ime. Por zoti Berisha nuk mund të rri pa e thëne se është si vera, sa më shumë kohë kalon aq më tërheqës bëhet dhe aq më demokrat”, thekson Meta.
Meta ka sqaruar dhe oponencën që ka bërë përpara zgjedhjeve të 25 prillit, ku mazhoranca e quante tejkalim të kompetencave të Presidentit.
Sipas kreu të Shtetit, ai ishte detyruar nga braktisja e opozitës së institucioneve vendore dhe parlamentit por edhe nga mazhoranca që kishte kapur çdo institucion.
“Meqënëse përmendet doktorin, do tju kërkoja që të mos qëndroni kaq afër për shkak të pandemisë. Është një valë tjetër. Përsa i përket situatës së demokracisë në vendin tonë, është në një gjendje problematike. Nuk është ashtu siç do të donim pas 25 prillit, përpara zgjedhjeve në kushtet e mungesës së një parlamenti kushtetuese dhe funksional. Në kushtet e 0 opozitës në të gjitha institucionet vendore të vendit. Pas 25 prillit janë mundësitë për rivendosjen e plotë të demokracisë për një parlament funksional dhe është qëllimi ynë kryesor që demokracia të funksinojë.
Nuk jemi për të interpretuar atë që kam thënë. Unë jam këtu për të respektuar Kushtetutën. Unë besoj që i gjithë protagonizmi im, jo i zakonshëm në dy vitet e fundit, nuk ishte kërkuar nga Ilir Meta por ishte i impponuar në mbrojtje të demokracisë dhe Kushtetutës në kushtet e braktisjes së opozitës nga parlamenti por dhe në përpjekjet e mazhorancës për të kapur çdo institucion duke filluar nga GJykata Kushtetuese, por tentative për të kapur Presidencën përpara zgjedhjeve. Unë jam i detyruar të respektoj Kushtetutën e Shqipërisë. Askush nuk duhet të presë që Presidenti të marrë përsipër detyra që i kanë të tjerët. Shpresoj që opozita të marrë detyrat e saj. Gjithë institucionet e tjera të rimarrin veten, të fitojnë integritetin e tyre dhe të respektojnë Kushtetutën” – tha Meta. a.b
