Pas Prokurorisë së Përgjithshme, që kërkoi pak ditë më parë ndërhyrje, pasi është bllokuar puna e saj veçanërisht në hetimin e dosjeve në juridiksion fillestar, ka reaguar edhe Unioni i Prokurorëve, që përfaqësojnë të gjithë prokurorët në vend.
Përmes një deklarate për mediet, Unioni i Prokurorëve shpreh shqetësimin për situatën e krijuar pas ndryshimeve kushtetuese. Prokurorët në vend – thotë unioni, – përfaqësojnë akuzën e shtetit në mijëra dosje në gjykatë dhe aktualisht konstatohet një situatë e nderë, që është krijuar nga mosmiratimi i ligjeve organike në zbatim të ndyshimeve kushtetuese.
Më tej unioni shprehet i shqetësuar për anëtarët e Prokurorisë pranë Krimeve të Rënda, të parashikuar për të mos vazhduar detyrën me ndryshimet e reja kushtetuese. Unioni i Prokurorëve thekson miratimin sa më shpejt të ligjeve dhe marrjen e masave për funksionimin normal të Prokurorisë derisa këto ligje të kalojnë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
