Biznesmeni Faad Mitri u dhunua dhe u kërcënua sot nga persona të paidentifikuar në kryqëzimin e Laknasit me rrugën e Rinasit.
Fotot e mëposhtme tregojnë momentet kur biznesmeni ndodhet i shtrirë në tokë nga dhuna e ushtruar ndaj tij. Biznesmeni libanez udhëtonte me një automjet Mitsubishi që drejtohej nga shoferi i tij, kur u përplasën nga një tjetër makinë Volkswagen brenda së cilës ndodheshin 4 persona.
Këta të fundit dhunuan me sende të forta sipërmarrësindhe shoferin, e më pas u larguan në drejtim të paditur. Dyshimet e policisë janë se aksidenti nuk ishte rastësor dhe ngjarja ka ndodhur me punën e tij si biznesmen.
“Ik nga Shqipëria ose ndërprit punimet”, i kanë thënë autorët biznesmenit të huaj Faad Mitri. Ky i fundit po investon 1.4 miliardë Euro për ndërtimin e një resorti turistik në Gjirin e Lalzit. Policia vazhdon hetimet për të kapur autorët e kësaj ngjarje të rëndë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
