Ilirjan Balla, shefi i sektorit të trafiqeve në Drejtorinë e Përgjithshme të Policisë së Shtetit, është një oficerët e ndaluar në kuadrin e një operacioni ndërkombëtar kundër drogës ku ranë në pranga 38 persona, ndërsa ndaj tij është dhënë masa e arrestit të shtëpisë.
Ilirjan Balla akuzohet nga SPAK për shpërdorim detyre, ndërsa ndaj tij është vendosur masa e sigurisë arrest shtëpie.
Në tetor të 2013, Balla u emërua drejtor qarku në Kukës, ndërsa 12 drejtuesit e qarqeve, u larguan nga ministri i Brendshëm i asaj kohe, me një vendim politik.
Më pas Ilirjan Balla ka mbajtur detyrat e zv.drejtor të Policisë Vlorë, për t’u transferuar më pas me të njëjtën detyrë në Dibër.
Në vitin 2017, ministri i Brendshëm i asaj kohe, Sajmir Tahiri, në një ceremoni të posaçme, do t´i akordonte Ilirjan Ballës edhe çertifikatën për Shërbime të Dalluara, të akorduara nga Drejtori i Policisë së Shtetit.
Një person tjetër i arrestuar është edhe ish-oficeri i policisë në Vlorë, Festim Lelaj, i proceduar edhe më herët.
ABC raporton se ky i fundit është hedhur nga kati i dytë i banesës në momentin kur SPAK ka shkuar me urdhër-arrestin. Në momentin që policia do të ndërhynte, ai është hedhur dhe për pasojë pësoi edhe fraktura në këmbë.
Tashmë Lelaj ka dalë nga spitali dhe është nisur në drejtim të Tiranës. Edhe personat e tjerë e arrestuar janë nisur drejt kryeqytetit.
Ish-nënkomisari i Policisë së Fierit, Festim Lelaj është një nga të arrestuarit e operacionit ”Shpirti” i shtrirë në 4 shtete përfshirë Shqipërinë.
Lelaj, më 2017 ai ka qenë i përfshirë në traifkun e 2.5 ton drogë nga Ankona në Durrës dhe madje atëhere prokuroria kërkoi 17 vite burg për të. Dy persona të tjerë asoj kohe, Emiljano Cili dhe Artur Riza u dënuan me burg si bashkëpuntorë të Lelajt.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
