Mes të vrarëve është edhe një biznesmen. Ai është Kujtim Ferracaku, pronari i hotel “Fantazia” në Velipojë.
Biznesmeni është mes 4 viktimave pas një konflikti me pronarët e “Gocaj”, ku kanë mbetur të vrarë nga 2 persona të secilës palë.
Kujtim Ferracaku, është babai i Arjan Ferracakut, i cili u vra 3 vite më parë në një atentat në Shkodër, Ndërsa Hasan Ferracaku që ka mbetur i plagosur është vëllai i tij.
Në Shkodër ka mbërritur dhe drejtori i Policisë Ardi Veliu, si dhe zyrtarë të tjerë të lartë të shtetit.
Velipojë/Shkodër
Informacion paraprak
Më datë 27.06.2021, rreth orës 00:30, në Pulaj Plazh, Velipojë, si pasojë e një konflikti të çastit, i cili është përshkallëzuar në përdorim të armës së zjarrit kanë mbetur të vrarë, shtetasit K. V. 59 vjeç, Xh. G. 25 vjeç , E. G. 38 vjeç dhe M. Z. 20 vjeç.
Si dhe janë plagosur shtetasit H. V. 54 vjeç, dhe E. D. 17 vjeç, të cilët dyshohen si autorë të përfshirê në konfliktin e armatosur.
Për hetimin dhe zbardhjen e ngjarjes menjëherë është ngritur një grup posaçëm hetimor me specialistë të strukturave hetimore në DVP Shkodër dhe të Drejtorisë për Hetimin e Krimeve ndaj Personit dhe Jetës në Departamentin e Policisë Kriminale në Policinë e Shtetit, nën drejtimin e Prokurorisë së Rrethit Gjyqësor Shkodër.
Në ndihmë të Policisë vendore ka shkuar FNSH Shkodër dhe një grup i Forcave Speciale Renea.
Grupi hetimor po punon për zbardhjen e dokumentimin e plotë të rrethanave dhe shkakut të kësaj ngjarjeje. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
