75 mijë anëtarë të PD pritet të votojnë sot në afro 76 qendra votimi të ngritura në të gjithë Shqipërinë.
Procesi i votimit filloi në të gjitha qytetet ndërkohë që votimi në Tiranë do të bëhrt sipas njësive.
Ndërkohë ka votuar edhe kryetari në detyrë, Lulzim Basha i cili në një prononcim të shkurtër e konsideroi votimin një proces unik, i bazuar sipas tij te vlerat e demokracisë, shprehjes së lirë dhe konkurrencës.
“Së pari dua të falënderoj mediat për mbulimin që po i bëjnë këtij procesi unik, dua të falënderoj demokratët anembanë Shqipërisë, kujdestarët e procesit komisionerë vëzhgues, në këtë proces unik, të vlerave tona, të vlerave të demokratëve, të zgjedhjet një anëtarë një votë të kryetarit të PD. Këto janë vlerat tona, vlerat e demokracisë, të shprehjes së lirë, konkurrencës, shprehjes së lirë dhe debatit. Me këto vlera e kemi nisur betejën për ndryshimin për Shqipërinë dhe shqiptarët, me këto vlera do ta çojmë deri në fund deri në përmbysjen e regjimit Rama-Doshi”, tha Basha.
Nga ora 11.00 pritej të votojë edhe kandidati tjetër Fatbardh Kadilli. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
