Kolegji Zgjedhor ka rrëzuar edhe kërkesën ankimore të PD-LSI për pavlefshmërinë e zgjedhjeve në qarkun e Vlorës. Në mbledhjen e sotme, u vendos që të mos merren parasysh provat shtesë të opozitës, që sipas tyre tregojnë se paligjshmërinë e zgjedhjeve të 25 prillit.
Përfaqësuesi ligjor i PD, Ivi Kaso ka përmendur emra konkret të pushtetit vendor në Vlorë, që sipas tij kanë ndikuar në vullnetin e qytetarëve.
“Afrim Qendor, Klodian Troci, Erion Osmanaj me veprime konkrete kanë konsumuar vepra penale të shpërdorimit të detyrës. Këta shtetas kanë përdorur administratën nën presionin për largimin nga puna. Kanë përdorur asete të tjera, legalizime në këmbim të votës. Kanë dhënë edhe para në këmbim të votës si dhe kanë mbledhur karta identitetit. Këto fakte ashtu si janë mbledhur nga strukturat tona dhe janë dorëzuar në SPAK. Këto i kemi paraqitur edhe para jush. Shit-blerja e votës është jo vetëm një konstatim i joni, por edhe një problem i bërë i ditur edhe në raportin paraprak të OSBE ODIHR. Vetë SPAK ka informuar misionin e ODIHR që deri në 24 prill kjo struktura ka në hetim më shumë se 30 çështje që lidhen me shitblerjen e votës. Ka pasur edhe vendimmarrje të tjera në kundërshtim me aktet ligjore”, u shpreh Kaso.
Edhe LSI, përmes avokatit të saj Altin Kaziaj kërkoi shpalljen e pavlefshmërisë së zgjedhjeve dhe përsëritjen e tyre në këtë qark, kërkesë që nuk u pranua nga Kolegji.
Një ditë më parë Kolegji Zgjedhor rrëzoi edhe kërkesën për pavlefshmëri për qarkun e Gjirokastrës.
Ashtu si KAS edhe Kolegji Zgjedhor nuk ka reflektuar ndaj ankesave dhe provave që ka paraqitur opozita duke e bërë fakt të kryer rezultatin zgjedhjeve. Nuk pritet të ketë vendimet ë ndryshme edhe për 7 qarqe të tjera që me siguri do të animohen në Kolegjin Zgjedhor. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
