Ambasadorja amerikane Yuri Kim ka hezituar të komentojë direkt sot në lidhje me padinë që ish Kryeministri Sali Berisha ngriti ndaj sekretarit amerikan të Shtetit, Antony Bliken pasi ky i fundit mori vendimin për shpalljen non grata të Berishës në SHBA.
Ndërsa një gazetarët e pranishëm gjatë vizitës së Kim në bazën ushtarake të pasha Limanit, e pyeti atë në lidhje me padinë e Berishës, ambasadorja tha se nuk e kishte idenë për çfarë po e pyesnin.
“Nuk kam asgje per te shtuar vec asaj qe ka shkruar Sekretari i Shtetit. Më falni, Unë nuk e kam idenë për cfarë po flisni. Shqipëria është anëtare e NATOs, është aleate e SHBA-ve, shteti ligjor duhet të prevalojë, askush nuk mund të jetë mbi ligjin, kështu që ditët e pandëshkueshmërisë duhet të marrin fund. Ky është një projekt që ne së bashku mund ta bëjmë, kështu që le të vazhdojmë përpara. Po hyjmë në një periudhë domëthënëse”, tha ambasadorja.
Në vijim ajo theksoi faktin së bashkëpunimi mes dy vendeve po funksionon shumë mirë.
“Sot jam këtu në Pasha Liman për të parë operacionet detare. Kjo është për të siguruar që kur ne bashkëpunojmë me njeri tjetrin, janë dominues në ajër toke dhe në det.
Së bashku me investimet në mbrojtje kemi parë që ka zhvillime të mëdha të biznesit. Si ambasadore amerikane dua të shikoj më shumë investime në këtë vend. Kjo është dicka që duhet të punojmë së bashku, sepse unë kam pjesën time dhe ju keni pjesën tuaj. Ju keni parë zhvillime domethënëse, në fushën e shtetit ligjor”, deklaroi ambasadorja yuri Kim. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
