Një makinë shkaktoi dy të plagosur këtë mbrëmje kur doli nga rruga dhe goditi disa persona që po prisnin në një stacion urbani tek Vasil Shanto në Tiranë.
“Rreth orës 20:55, në Vasil Shanto, mjeti me drejtuese shtetasen F. Z., 47 vjeçe, ka dalë nga rruga duke përfunduar në një stacion autobuzi. Si pasojë ka aksidentuar dy këmbësore të cilat u dërguan në spital, për të marrë ndihmë mjekësore, jashtë rrezikut për jetën, njofton policia e Tiranës.
Grupi hetimor ndodhet në vendngjarje dhe po punon për zbardhjen e rrethanave të ngjarjes.m.k
