Deputeti i PD-së, Luciano Boci deklaroi sot gjatë një interviste në një televizion të Tiranës se në mbledhjen me dyer të mbyllura të grupit parlamentar të PD-së ka pasur opinione të ndryshme, por jo goditje të lidershipit Lulzim Basha.
“Sa për pjesën e kritikave ndaj lidershipit unë që isha brenda mbledhjes nuk pashë që kishte goditje, kishte diskutime, madje iniciativa për të pasur diskutime ka qenë pikërisht i lidershipit që secili nga ne të shprehte mendimet e tij. Nëse ka pasur diferenca opinionesh nga njëri tek tjetri kjo është pjesë e brendshme e PD”, tha Boci.
Sipas tij cështja e analizave, organizimeve apo e ngritjes së problemeve që kanë të bëjnë me cedimin e strukturave është një ritual i zakonshëm i një partie politike. Këto kanë situata ngritje kur janë postzgjedhore ose parazgjedhore.
Për deputetin demokrat, reforma në drejtësi dhe dekriminalizimi dolën jashtë loje me Dibrën.Ai tha se Kryeministri duke ua dorëzuar Dibrën kriminelëve, sfidoi ndërkombëtarët, shoqërinë dhe politikën.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
