Komiteti Teknik i Ekspertëve ka lajmëruar se të gjithë qytetarët që do të lëvizin nga Greqia dhe Maqedonia e Veriut do të duhet që të karantinohen për dy javë ndërkohë që Shqipëria ka shënuar rënie të rasteve.
Komiteti vendosi që viti i I dhe II i shkollave të mesme do të rikthehen në klasa, por me program të kombinuar, përfshirë edhe atë online.
Drejtorja e Institutit të Shëndetit Publik, Albana Fico tha se ka një rritje të numrit të infeksioneve në Gjirokastër, Korçë e Berat. Ndërkaq edhe procesi i vaksinimit është ngadalësuar, dhe shkak për të është bërë muaji i Shenjtë i Ramazanit.
Kreu i Urgjencës Kombëtare, Skënder Brataj tha se janë shtuar thirrjet telefonike nga qytetarët të cilët kërkojnë informacion pas bërjes së vaksinës.
”Thirrjet janë 2 mijë nga 1 mijë e 200 që kanë qënë por kërkojnë informacion për vaksinat. Për vizitat kemi rënë poshtë në 300 ndërsa për covidin janë vetëm 38 të tilla. Javën e fundit janë shtuar disa qyteza të vogla. Dhe aty kemi bërë vizita. Nga grumbullimi i njerëzve kjo mund të jetë arsye”, tha Brataj. a.b
