KQZ kërkon sot nga Partia Demokratike heqjen e posterave propagandistikë nga godina e Universitetit Politeknik të Tiranës.
Po ashtu KQZ i drejtohet PS-së, heqjen e materialeve propagandistike në Gjirokastër, në kundërshtim me rregullat.
KQZ kërkon që partitë politike të zhvillojnë një fushatë zgjedhore të qetë, duke shmangur politikat e polarizimit dhe retorikat denigruese ndaj kundërshtarëve, e duke treguar vetëpërmbajtje gjatë dhënies së mesazheve politike, edhe nëpërmjet materialeve propagandistike.
Në shkresat e dërguara theksohet se ndalohet në mënyrë taksative afishimi i materialeve propagandistike në: fasadat e godinave të banimit, institucionet publike apo ambientet rrethuese pranë e rreth tyre, brenda zonave rekreative, parqeve, në pemët e qytetit dhe në shtyllat e ndriçimit.a.b
