Mjeku Pëllumb Pipero tha sot se ende nuk është raportuar ndonjë efekt me mpiksje gjaku nga ata që kanë marrë vaksinën astrazeneca. I pyetur nga top channel në emisionin breaking, ai tha se janë raportuar vetëm efekte normale anësore të vaksinave.
“Në vendin tonë është një tjetër komitet, ai i verifikimit të efekteve anësore. Nuk kam të dhënë zyrtare të këtij institucioni përsa i përket efekteve anësore. Efekte kryesore të vaksinave janë efektet momentale që verifikohen gjysmë ore pas vaksinës. Nuk njihet asnjë rast alergjik deri tani. Efektet e tjera më të larta janë 1 në 3 ditë, dhimbja në vendin e vaksinimit, temperatura që zgjat 2 ose 3 ditë. Këto janë efektet anësore. Efektet të tjera si mpiksja e gjakut, kryesisht i referohet AstraZenecas dhe Johnson & Johnson ne nuk kemi raste të raportuar ende. Vëmendja e të gjithë vaksinatorëve është shumë e madhe për të evidentuar çdo efekt anësor, sepse është një problem madhor dhe do kujdes madhor”, tha Pipero.
Ndërsa astrazeneca është ndaluar të kontraktohet nga vendet e BE, Danimarka ndërpreu sot përdorimin e saj, në Shqipëri vazhdon vaksinimi me ketë lloj vaksine edhe sot. Disa mijëra mësues, pedagogë, njerëz të eskpertizës, pedagogë të jashtëm dhe disa instutucione janë vaksinuar tashmë me dozën e parë të astrazenecës. m.k
