Publikohet dëshmia e plotë e Luftar Recit: Nga porosia e Lul Berishës deri tek ekzekutimi i Lamajt dhe Lales

Është publikuar dëshmia e plotë e Luftar Recit, personit të penduar dëshmitë e të cilit cuan në arrestimin e grupit kriminla të Durrësit në lidhje me dy vrasje që ndodhën në vitin 2005.

Në dëshminë e tij e cila është publikuar sot në Balkan ueb nga gazetaria Klodiana Lala, Reçi ka dhënë informacion të plotë dhe pa asnjë rezervë në lidhje me disa ngjarje kriminale, të ndodhura në kohë të ndryshme në vendin tonë. Në dosje thuhet se Reçi ka ndihmuar në vijimin e hetimit dhe gjykimin e autorëve të këtyre ngjarjeve.

I penduari i drejtësisë, Luftar Reci ka rrëfyer në detaje krimin e rëndë, që nga biseda me Lulzim Berishën dhe Indrit Tauallau, të cilët ishin rivalët e viktimës në fjalë.

“Në fillim të muajit shkurt të 2005-ës kam takuar në Tiranë Lulëzim Berishën. Takimi u realizua në vendin e quajtur pranë stacionit të trenit Tiranë, vend ku unë kisha një kazino timen. Kazinoja ndodhej në bodrumin e një pallati të ndërtuar nga një ndërtues kosovar me emrin E.A. Ishte ora 01:00 dhe erdhi Luli së bashku me Lentin dhe Indritin. Gjatë takimit Luli më ofroi një marrëveshje sipas së cilës unë duhej të vrisja Klodian Saliun dhe ai në këmbim do të vriste hasmin tim. Ata më thanë se Klodian Saliun e kishin kundërshtar dhe kishin frikë se mos i vriste. Gjithashtu ata donin ta vrisnin dhe në lidhje me kontrabandën dhe trafiqet që bëheshin në posrtin e Durrësit pasi e shihnin si rival. Sipas Lentit, një polic i portit i kishte thënë atij që një natë Klodi me gjithë dy persona të tjerë ju kanë pritur tek shtëpia e Lulit për t’ju vrarë. Sipas Lentit, polici ishte i pirë tapë në momentin që kishte thënë muhabetin. Pasi ramë dakord e të shkëmbenim hasmit, unë thuajse gjithë muajin shkurt të 2005 nga mesi i ditës deri vonë në darkë shkoja në Durrës me qëllim që të njihja si fytyrë shtetasin Klodian Saliu si dhe të mësoja lëvizjet e tij. Kur shkoja në Durrës çdo ditë fillimisht takoja Lulin, Lentin dhe Indritin dhe më pas me qëllim që të studioja lëvizjet dhe vendet ku rrinte Klodi ata më jepnin një djalë të ri, të moshës rreth 19 vjeçe, që njihte Klodin si fytyrë. Unë dhe Lenti dhe Indriti filluam që të bëjmë prova për mënyrën se si do të realizonim vrasjen e Klodian Saliut. Vendosëm që vrasja të realizohej gjatë kohës që Klodi do të shkonte të takonte…. në Tiranë. Një javë rresht kemi pritur që të kalojë dhe ne vendoseshim tek një karburant rreth 1.5 km në hyrje të autostradës Durrës-Tiranë. Ndërsa personin të cilin e thërrisnin Ç…, e linim tek kryqëzimi i rrugës. Detyra e Çeços ishte që të mbante në vëzhgim automjetin e Klodianit nëse do të ikte nga Plepat apo do të futej në autostradën për në Tiranë. Luli sapo mori vesh që ….do të na jepte informacione për lëvizjen e Klodit, u sigurua që do të bëhej vrasja, iku në Turqi me qëllim që mos të dyshohej. Një natë para se të vritej Klodi unë kam fjetur tek shtëpia e J… Ditën e vrasjes në mëngjes jam takuar tek piceria e Lulit me Lentin dhe Indritin. Ndërsa Luli ishte në Turqi. Brenda picerisë kishte një zyrë si ambient më vete me kolltuqe të bardha dhe televizor. Në momentin që ka filluar të errësohej kemi shkuar tek shtëpia e J… dhe morëm një makinë tim BMË X5 me ngjyrë të zezë në të cilën ishte vendosur një targë italiane. Me vete kishim armë zjarri dhe më konkretisht unë kisha një pistoletë të markës “Beret”. Lenti kishte një automatik të tipit ‘Skorpions’ dhe dy karikatorë rezervë, kurse Indriti kishte një pistoletë me 15 fishekë. Në momentin që u errësua ne jemi parkuar tek i njëjti karburant siç e përshkrova më sipër. Kurse Çeço tek kryqëzimi. Lenti dhe Indriti kishin siguruar informacion se Klodi udhëtonte me një automjet tip ‘Mercedez 300’ dhe se ishte futur në autostradë. Ai drejtonte makinën. Ne u bëmë gati dhe ishim ulur në këtë mënyrë; unë isha shoferi, Indriti i ulur në vendin e parë të pasagjerit, kurse Lenti në sediljen e pasme. Pasi kaloi Benzi, unë ndeza makinën dhe u nismën në ndjekje të makinës ku ishte Klodi. Diku në mes të Vlorës dhe Durrësit i jemi afruar dhe jemi vendosur paralel me makinën që drejtonte Klodi dhe kanë qëlluar me armë. Indri me pistoletë dhe Lenti me ‘Skorpions’. Kemi ecur paralel rreth 10 sekonda. Më pas makina ka përfunduar në kanal. Pasi makina e Klodit ka përfunduar në kanal, Indriti bërtiti me të madhe: “O lal, mbaje, mbaje”. Hapa krahun dhe Indri iu afrua ‘Benzit’ të Klodit dhe e ka goditur tre herë me pistoletën me mulli. Unë isha shumë afër dhe këtë moment e kam fiksuar shumë mirë. Indriti i ka thënë pasagjerit që nëse donte të shpëtonte ta mbyllte gojën.”, tha Reçi.

Po ashtu Reçi ka treguar një detaje se si Lul Berisha i kishte kërkuar atij një minë me telekomandë, ndërsa pa se atë ia kishte dhënë Emiljano Shullazit.

“Kam pasur lidhje shoqërore me Lulzim Berishës, Indrit Taullain, Lentin, (Plarent Dervishin). Berishën e kam njohur që në vitin 1994. Ndërsa Dervishin dhe Taullain i kam njohur më vonë, sepse ishin njohje edhe miqësi e ngushtë me Lul Berishën. Në shkurt të 2005, besoj nga mesi i muajit, më ka telefonuar Lul Berisha. Ai ma tha; më gjej dhe mua nga ato ‘nëntat’ (kallëpë tritoli). Bëhej fjalë për një atentat të përgatitur nga unë për hasmin tim në Dibër, atentat i parealizuar pasi ai mbante me vete fëmijët e tij dhe nuk e lejova shpërthimin sepse nuk doja që të vrasja fëmijë. Luli ishte në dijeni të kësaj ngjarje, pasi i kisha treguar vetë dhe kishte mësuar nga unë se J… kishte përgatitur minat për ngjarjen. Për këtë arsye më kërkoi dhe një minë për vete. Për të bërë minat me telekomandë më ka ndihmuar nipi im i cili u vra në 2002. Pas kërkesës së Lulit unë mora në telefon ‘A..’ i cili tregtonte armë dhe mina të ndryshme. I shkova tek shtëpia A… dhe i thashë; ‘dua një minë me telekomandë’. Ai më tha; ‘prit se do ta gjej unë’. Pasi mora minën, i telefonova Luilit; ‘eja merre minën’. Pas pak erdhi me një automjet ‘Mitsubish Pajero’ policie me sirenë sipër, me katër porta. Për këtë minë kam paguar 1600 euro. Kur kam vajtur tek piceria e Lulit në Durrës, e kam gjetur atje bashkë me Lentin dhe Indrtin. I sqarova për montimin e minës dhe për gjetjen e një eksplozivi të mirë. Pasi folëm me J…dhe ai konfirmoi ardhjen në Durrës, kam folur me shtetasin A.Z., dhe i thashë që të më gjejë ca brumë nga ai i miri (Lëndë plasëse). Pas pak kohe shkuam në shtëpinë e motrës së Lul Berishës. Në garazhin e saj do të përgatisnim lëndën plasëse, për të cilën nuk e dija se për çfarë do të përdorej. Idriti më tha se ky tritol do të përdorej për një makinë, dhe ajo do të vendosjen pranë një mjeti tjetër. Më kujtohet se dinamiti u fut në bidona coca-cole boshe, me qëllim që të ishte i sigurt se ku do të vendosej. Më pas erdhi Indrit me një pako me C4, të cilët e vendosëm aty. Minën me telekomandë e kishte Indriti së bashku me telefonin tjetër ky ishte vendosur karta që do të kryente kontaktin për shpërthimin e minës me lartën ku ishte vendosur C4. Kur kemi dalë jashtë oborrit, në rrugë ishte parkuar një makinë e llojit ‘Pezho’ ose ‘Reno’ dhe kur u ndez drita, pash që shofer ishte Emiljano Shullazi dhe një vajzë, e cila ishte në vend të parë të mjetit. Unë isha në një largësi rreth 15 metra nga mjeti i Emiljanos. Unë pash se minën Indriti ia dha Shullazit. Para se të ikte Emiljano na u drejtua duke thënë; ‘Natën e mirë çuna’.”, tha Lefter Reçi.

/DRONI.al/