Lëshohen urdhër-arrestet për Lulzim Berishën, Viktor Ymerin, Emiljano Shullazin, Indrit Taullain dhe Luftar Reçin ne lidhje me disa vrasje te bujshme qe kane ndodhur ne vitin 2005, shkruan dosja .al.
Prokuroria e Posaçme Kundër Krimit të Organizuar dhe Korrupsionit (SPAK), ka përfunduar hetimin dhe ka siguruar masën e sigurimit “arrest me burg” për Lulzim Berishën, Emiljano Shullazin, Indrit Taullain, Viktor Ymerin dhe Luftar Reçin.
Dosja.al ka siguruar ekskluzivisht dosjen hetimore në ngarkim të grupit që akuzohet për të paktën 2 vrasje të bujshme që kanë ndodhur në vitin 2005, ekzekutimi i Vajdin Lames bashkë me Artan Arsin dhe ai i rivalit të Lulzim Berishës, Klodian Saliu.
Fillimisht është arrestuar në Kosovë Indrit Taullai, i cili u la sot në masën e sigurisë “arrest me burg” për 40 ditë, ndërsa sot në Tiranë është prangosur daja i Edison Harizajt, Viktor Ymeri. Ndërkohë që për Emiljano Shullazin, është komunikuar masa e sigurisë në burg.
Ndërkohë që ende nuk dihet nëse janë ekzekutuar urdhër arrestet për Lulzim Berishën, Plaurent Dervishajn dhe Luftar Reçin, shkruan dosja.
Regjistrimi i procedimit penal është bërë më 21 tetorit 2020 nga SPAK dhe mbi grupin rëndojnë akuzat e “Vrasjes në rrethana cilësuese” për dy ose më shumë persona, të kryer në formën e grupit të strukturuar kriminal dhe armëmbajtjes pa leje.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
