Situata e pandemisë në Itali vazhdon të jetë shqetësuese pasi numri i personave që po ndërrojnë jetë po rritet me përmasa të frikshme çdo ditë.
Rritje të frikshme ka pasur dhe numri i infektimeve në shtetin fqinj i cili vetëm gjatë 24 orëve të fundit regjistroi mbi 36 mijë raste të reja. Në këto kushte qeveria italiane ka hartuar një plan për vaksinimin e 1.7 milionë qytetarëve me 3.4 milionë dozat e para që pritet të mbërrijnë në janar.
Kjo deklaratë u dha nga komisioneri për urgjencën, Domenico Arcuri, i cili u shpreh se çdo person do të marrë dy doza e përparësi do të kenë personat më vulnerabël dhe më të ekspozuarit ndaj virusit. Arcuri theksoi se vaksinimi në Itali nuk do të jetë i detyrueshëm.
“Tani për tani, nuk ka asnjë detyrim për t’u vaksinuar. Shpresa është që të vaksinojmë një pjesë të rëndësishme të popullsisë në gjysmën e parë ose në tremujorin e tretë të vitit 2021. Por ne nuk e dimë se sa italianët do të duan ta marrin vaksina. Sasia e vaksinave do të rritet me kalimin e kohës, ne do të kemi progresivisht më shumë doza çdo muaj krahasuar me 3.4 milion në janar. Brenda disa muajsh do të jemi në gjendje të arrijmë të ashtuquajturën administratë në shkallë të gjerë në 2021. E imja është një shpresë, jo një parashikim“, tha ai.
e.h/DRONI.al/
