Policia e Vlorës po heton për zhdukjen prej 4 ditësh të 40-vjeçarit Ermal Ngucaj, një person me precedent penal për një konflikt lidhur me një gurore .
Për herë të fundit, Ermali ka kontaktuar me gruan e ti ditën e hënë në mbrëmje teksa i ka thënë “Po të ndërrohem, ik se ngatërrova rrugën” dhe i mbylli telefonin.
Prej atij momenti ai ka humbur gjurmët.
Fejzo dhe Mjaftime Ngucaj, prindërit e 40 vjeçarit, dyshojnë se djali i tyre është rrëmbyer dhe i kërkojnë policisë së Vlorës që të nisë kërkimet për gjetjen e djalit të tyre.
Mamaja e të humburit mendon që ai është prerë në besë e rrëmbyer nga shokët, ndërsa dyshon që mund ta kenë plagosur. Ajo vetë thotë të ketë folur me djalin që kur ishte në Itali e që nuk do e përballonte humbjen e djalit pasi kohë më parë kishte humbur dhe një djalë tjetër.
/DRONI.al/
