Policia e Vlorës vijon të mbajë të rrethuar zonën në Skelë pranë pallatit të Kulturës prej më shumë se 60 minutash pasi u gjet një pako e dyshimtë e cila dyshohet të jetë eksploziv të lidhur me celular pranë një pemë në lulishte.
Policia do të mbajë të rrethuar zonën duke bllokuar edhe qarkullimin deri sa të vijnë ekspertët e xhenios për të bërë shpërthim të kontrolluar e për të mësuar se çfarë ka brenda pakos.
Mësohet se policia ka marrë disa pamje nga disa kamera sigurie të bizneseve pranë vendit të ngjarjes për të parë nëse do mund të identifikohet personi që ka lënë pakon e ka vendosur në alarm qytetin bregdetar mbrëmjen e sotme.
/DRONI.al/
