Një ekip gjerman virologjistësh në Universitetin Ruhr Bochum ka gjetur se përdorimi i shplarësve higjenizues të gojës ulin përhapjen dhe ngarkesën virusale të Covid-19.
Përdorimi i higjenizuesit të gojës ul ngarkesën virusale tek personi i infektuar
Rezultatet e studimit, të publikuara në revistën mjekësore të sëmundjeve ngjitëse, tregojnë se higjenizuesit e gojës ulin ngarkesën virusale në gojë dhe në grykë, duke ulur kështu edhe rrezikun e përhapjes së infektimit.
Ekipi gjerman përdori 8 lloje të ndryshme higjenizuesish me përbërës të ndryshëm, të cilët mund të blihen në farmaci ose në çdo dyqan në Gjermani.
Higjenizuesi u mbajt në gojë për 30 sekonda, në formën e gargareve. Për të përcaktuar sasinë e virusit, kërkuesit përdorën një lloj qelize (Vero E6 qeliza), të cilat janë shumë të ndjeshme ndaj Covid-19.
Të gjithë higjenizuesit e gojës kanë treguar se ulin ngarkesën e virusit në gojë
Në të gjitha testimet, kërkuesit gjetën ulje të ngarkesës virusale. Madje përdorimi tre herë në ditë i higjenizuesit në 30 sekondat e para e ulte ne zero praninë e virusit.
Produktet më të suksesshme ishin: Listerine Cool Mint, Iso-Betadine dhe Dequonal. Higjenizuesit e tjerë të testuar ishin: Dynexidin Forte, Octenident, ProntOral, Cavex Oral Pre Rinse dhe Chlorhexamed Forte. Kërkuesit theksojnë se higjenizuesi i gojës nuk është trajtim për Covid-19.
“Gargaret me higjenizues të gojës ulin shumimin e virusit, por nuk të shërojnë nga Covid-19”, tha kërkuesi kryesor Toni Champion .
Rezultatet e studimit do të kontrollohen në përdorimet klinike
Efektiviteti i përdorimit të higjenizuesit të gojës kundër Covid-19 duhet të konfirmohet nga praktika klinike. Ekipi gjerman tani po i teston gjetjet në klinikë me pacientë të shtruar. Të njëjtën gjë po bëjnë edhe kërkuesit në SHBA.
Këto gjetje u mbështetën edhe nga kërkues të tjerë në Gjermani
Professor Klaus-Dieter Zastrow i Institutit të Higjenës në Berlin i këshillon personat me test Covid-19 pozitiv, që krahas ilaçeve të përdorim edhe higjenizuesin e gojës për të ulur ngarkesën virusale në trup dhe ndaluar përhapjen tek të tjerët.
“Higjenizuesit e gojës kanë vrarë viruset, bakteriet dhe mykun, përfshirë edhe koronavirus”, tha profesori Zastrow, për gazetën Bild.
Prof. Zastrow tha se “ne i rekomandojmë pacientët me test pozitiv të koronavirusit të përdorim higjenizues goje në shtëpi për 8 ditë. Shumë e kanë ndjekur këshillën tonë. Dhe askush prej tyre nuk ka pasur rëndim të simptomave”.
Ekspertja e higjenës në Asklepios Kliniken u shpreh e bindur për efektn e higjenizuesve të gojës në luftën kundër koronavirusit.
“Në princip, dezinfektueit e gojës, që shiten në treg janë të provuar se vrasin viruset, përfshirë edhe virusin e ri të kornoavirusit”, tha Dr. Susanne Hugget.
Ajo e bëri të qartë që vetëm përdorimi i higjenizuesit nuk kuron virusi:
“Çdo kush që beson se vetëm me një higjenizues do të kurojë virusin gabohet. Mbetjet e virusit në trup mund të shumohen shumë shpejt, nëse nuk përdoret mjekimi i mjekut”./Exit.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
