Policia e Vlorës ka shoqëruar 9 persona në lidhje me ngjarjen ku u gjet i vdekur në banesë 91-vjeçari, Seri Petanaj.
Këta persona janë shoqëruar për tu marrë në pyetje, ndërsa policia dyshon se i moshuari është vrarë.
Do të jetë ekspertiza mjeko-ligjore e cila do të përcaktojë shkakun e vdekjes, por në trupin e 91-vjeçarit janë gjetur dëmtime që dyshohet se janë të shkaktuara nga goditja me mjet prerës.
Për ngjarjen kanë reaguar edhe fqinjët e 91-vjeçarit që shprehen se ende nuk e besojnë atë që ka ndodhur.
“Unë sot e dëgjova. Ishte burrë i mirë, i nderuar, me djem të mirë. Kur mora vesh sot u habita. Mirë që e grabitën, por pse e vranë? E kishin, lidhur, mbyllur në banjo e kishin qëlluar me thikë,” tha fqinji.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
