Për herë të parë, ish-kreu i PD-së Sali Berisha, ka bërë një panoramë të opozitës së sotme, kryesisht të PD-së.
I ftuar në emision “Studio e hapur” të Eni Vasilit në TV “News24”, Berisha vlerësoi se me gjithë vështirësitë e shumta, kjo opozitë ka bërë gjëra të mëdha.
Sipas Berishës kjo mazhorancë nuk është e pakontestueshme dhe se mund të përmbyset me zgjedhje, megjithëse Rama nuk i lejon, sikurse nuk lejoi për kryetarin PS apo referendumin e mbetjeve kohët e fundit, por mund të përmbyset edhe me revolucion demokratik.
“Kushtet e bërjes së opozitës sot janë jashtëzakonisht të rënda. Në këtë kontekst të qenit në opozitë sot, është shumë e vështirë.
Na rrafshin parimor, opozita e këtyre viteve ka bërë gjëra të mëdha për vendin, si dekriminalizimin, nenet kushtetuese të reformës në drejtësi…
Por a arriti opozita e këtyre tre viteve të bëhej digë e pakapërcyeshme…?! Po ia arriti…!
A mund të punohet me shumë, më e larmishme…?! Sigurisht mund të bëhet…!
Unë përpiqem të mbështes opozitën me mundësitë e mia…
Opozita duhet të niset, siç mendoj unë nga fakti që ky kryeministër nuk lejon zgjedhjet në partinë e tij, nuk lejon referendumin… Por a janë këta të pakontestueshëm…?! Sigurisht përmbysen me zgjedhje por edhe revolucioni demokratik është një opsion. Por në se shqiptarët presin pa kontributet e tyre personale, alternativë të vetme do të kenë largimin nga Shqipërisë.
Shqiptarët duhet të tregojnë mençurinë e tyre. Revolucion demokratik paqësor mbetet opsion për përmbysjen e kësaj qeverie”, u shpreh Berisha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
