Gjatë karantinës, në zyrat e Parlamentit Evropian kanë hyrë hajdutët.
Të paktën 50 eurodeputetëve u janë vjedhur kompjuterë, tableta dhe sende me vlerë nga zyrat e tyre në Parlamentin Evropian.
Sipas mediave të huaja, këto vjedhje kanë ndodhur gjatë kohës që godina ka qenë bosh.
Eurodeputeti Nico Semsrott, të cilët i janë vjedhur 2 laptopë, tha se është i zhgënjyer nga siguria e Parlamentit.
“Ne jemi shumë të sigurt se ata [hajdutët] kaluan nëpër të gjitha gjërat tona, pasi dukej mjaft i çrregullt,” tha Semsrott, duke shtuar se ai kishte marrë raporte për “midis 40 dhe 100 eurodeputetëve” që zyrat e tyre ishin grabitur.
Në mars, presidenti i Parlamentit David Sassoli vendosi masa të rrepta për personat jashtë parlamentit, dhe i inkurajoi eurodeputetët të punonin nga shtëpia. Ndaj, parlamenti ka qenë bosh pothuajse gjithë muajin maj.
Një zëdhënës i parlamentit tha se asambleja është informuar për vjedhjet dhe ka nisur një hetim për ngjarjen.
BURIMI:Politico.eu/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
