Horoskopi, 22 Qershor 2020/ Dhe yjet rrinë…, e flasin për Ju!

Dashi

Në gjysmën e parë të ditës ka shumë të ngjarë që të fokusoheni në problemet që do t’iu shqetësojnë. Në varësi se si ka qenë dita e kaluar, do të shënoni sukses ose do të ndesheni me kritika të forta.

Demi

Gjatë orëve të mëngjesit dëshirat dhe qëllimet do të jenë konfuze. Ka shumë mundësi që planet tuaja të zëvendësohen nga gjëra të tjera, të cilat nuk do të japin ndonjë rezultat konkret. Në gjysmën e dytë të ditës do të kuptoni se cilat janë nevojat tuaja dhe do të filloni ti kënaqni ato njëra pas tjetrës.

Binjakët

Orët e mëngjesit do të shoqërohen nga një liri dhe pavarësi e paparë. Megjithatë yjet këshillojnë që ti rezistoni tundimit për të bërë plane për ditën pasuese. Mbrëmja do të karakterizohet nga punët e shtëpisë.

Gaforrja

Ëndrrat e të lindurve të kësaj shenje nuk do të kenë ndonjë vlerë të madhe në orët e mëngjesit. Në pjesën tjetër të ditës do të realizoni disa dëshira tuaja, ndonëse kërkesat do të vijnë gjithnjë e në rritje.

Luani

Të lindurit e kësaj shenje duhet ta nisin ditën me një shëtitje të këndshme ose me një aktivitet të kënaqshëm. Do të shoqëroheni nga një humor i mirë dhe do të përballoni me lehtësi ndonjë ndryshim të mundshëm. Në fund të ditës do të ndeshni disa shqetësime.

Virgjëresha

Gjysma e dytë e ditës do të rezultojë e suksesshme. Do t’iu thoni lamtumirë ëndrrave të pamundura por edhe aventurave të rrezikshme. Do të keni diçka të sigurt në dorë dhe kjo gjë do të rrisë entuziazmin.

Peshorja

Nuk do të ketë shumë kuptim të nxehni dikë vetëm për të arritur një synim tuajin. Ndoshta ju nuk doni vërtetë t’ia dini për fitoren. Do të jetë shumë më e dobishme ti kaloni lehtësisht situatat duke u përqendruar tërësisht në anën materiale të një projekti.

Akrepi

Kjo është një ditë e mrekullueshme për forcimin e martesës apo të lidhjes suaj. Kjo gjë do të ndihmohet nga gatishmëria juaj e ndërsjellë për të mbështetur njëri tjetrin. Shumë prej jush do të lumturohen të njohin disa anë që si kanë ditur për partnerin, si aftësitë në gatim apo edhe në çështje më madhore se kaq.

Shigjetari

Dëshirat e të lindurve të kësaj shenje gjatë kësaj dite do të bëhen realitet. Nëse doni që të ndiheni të lirë dhe të shijoni çdo gjë, fillimisht merruni me aktivitetin tuaj të preferuar. Megjithatë në gjysmën e dytë të ditës nuk do t’iu shpëtoni dot disa detyrave dhe përgjegjësive.

Bricjapi

Mbrëmja premton të jetë shumë më e suksesshme se sa gjysma e parë e ditës. Kjo gjë do të fillojë në momentin që do të tregoni anën tuaj praktike dhe ekuilibrin tuaj të patundur. Është një ditë e mirë për takime intime, shëtitje dhe aktivitete të këndshme.

Ujori

Do të jenë të paktë ata që do të merren me aktivitetin e tyre krijues. Pjesa më e madhe do të preferojnë shpenzimet në pjesën më të mirë të ditës, do të zgjedhin qetësinë dhe relaksin në një vend të qetë.

Peshqit

Kjo është një ditë e mirë për tu marrë me punët e shtëpisë. Në pjesën më të madhe të ditës do të shoqëroheni nga partneri ose të afërmit tuaj. Shumë nga dëshirat që i kishit kaluar në plan të dytë do të realizohen më së miri.

/DRONI.al/