Deputeti i PD-s Flamur Noka ka ironizuar sot ministrin e Brendshëm Saimir Tahiri.
Duke i kujtuar deklarimet edhe për heroizma policësh për macet e rrugëve, Noka ka shtuar se Tahirit i ka ikur zëri për 23 tonët e kanabisit të sekuestruara në Vlorë.
“Je bërë turpi i Europës, dhe vazhdon shkon në zyrë. Largohu sa më shpejt, revolta e popullit do të jetë e hidhur për ty dhe Ramën tënd”, reagon më tej Flamur Noka.
Reagimi i plotë i deputetit të PD Flamur Noka
Ky që del në televizion dhe kur një mace kalon në rrugë, sot nuk tha asnjë fjalë për pesëfishimin e sipërfaqes së mbjellë me kanabis për një vit. Zëri i ka ikur që kur u sekuestruan 23 ton kanabis në Vlorë. Sipërfaqe e pesëfishuar me drogë e konfirmuar me zë dhe me figurë nga Guardia di Finanza dhe asnjë trafikant i arrestuar, është bilanci i qartë se s’ka asnjë përdredhje alla Tahirçe ta fshehë e ta tjetërsojë. Mediat prestigjioze europiane kanë dhënë alarmin e Shqipërisë së kthyer në kanabistan. Je bërë turpi i Europës, dhe vazhdon shkon në zyrë. Largohu sa më shpejt, revolta e popullit do të jetë e hidhur për ty dhe Ramën tënd.
