Presidenti kinez Xi Jinping ka paralajmëruar kundër rrezikut të një valë të dytë të infeksioneve në vend pasi pandemia globale vazhdon të përhapet, njoftoi agjensia shtetërore e lajmeve Xinhua.
Në një takim të trupit të lartë vendimmarrës të Partisë Komuniste Kineze të Mërkurën, Komiteti i Përhershëm i Byrosë Politike, Xi tha se mes presioneve në rritje në ekonominë globale, “faktorët e paqëndrueshëm dhe të pasigurt” po rriteshin.
Përhapja e koronavirusit nga Kina duket se është nën kontroll, me disa infeksione të reja të transmetuara në vend ose vdekje të njoftuara javët e fundit. Të Mërkurën, epiqendra e shpërthimit te virusit, Wuhan, përfundoi zyrtarisht bllokimin e saj.
“Vështirësi dhe sfida të reja janë shfaqur për rinisjen e punës në Kinë dhe zhvillimin ekonomik dhe shoqëror,” citoi Xinhua të thoshte Xi.
Xi u bëri thirrje autoriteteve kineze që të vëzhgojnë me kujdes rastet e importuara nga jashtë dhe të parandalojnë ringjalljen e shpërthimit në Kinë.
CNN/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
