Policia e Tiranës, ka prangosur grabitësin e dyshuar të të paktën 4 pikave të tregtimit të karburanteve.
Burime të Drejtorisë Vendore të Policisë së Tiranës, bëjnë ët ditur se nga ana e efektivëve të Komisariatit Nr. 2 të Policisë së kryeqytetit, është prangosur grabitësi dyshuar i karburanteve. Ai është Geraldo Guci 21 vjeç.
Mësohet se Guci ishte efektiv i Gardës së Republikës.
Arrestimi i grabitësit të dyshuar, u bë pas publikimit të pamjeve filmike, të momenteve të grabitjes së tij, të fiksuara nga kamerat e sigurisë.
Geraldo Guci, u prangos në banesën e tij.
Ai dyshohet se është autor i të paktën 4 pikave të tregtimit të karburanteve.
Burime të Policisë, bëjnë të ditur se Guci, fillimisht studionte vendin dhe zonën, më pas realizonte grabitjen dhe largohej me mjetin e tij, të cilin e linte disa metër larg pikës së karburantit që grabiste.
Pistoletën dhe paratë, mësohet se i fshinte në brendësi të sediljes së automjetit të tij.
Geraldo Guci, dyshohet për grabitjen e pikave të karburantit në rrugën “Myslym Shyri”, “Teodor Keko”, Selitë dhe së fundmi, dje në rrugën “Isuf Elezi”.
* Pamjet në video, të dy grabitjeve të dyshuara të kryera prej Geraldo Gurit
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
