Kokaina vinte nga Holanda për në Valtrompia të Italisë dhe më pas, tregtarët e drogës e shpërndanin në të gjithë Italinë veriore. Aktiviteti ka vazhduar deri pak ditë më parë, kur janë arrestuar dy shtetas shqiptarë. Ata ishin organizatorët kryesor të trafikut të kokainës, ndërsa njëri banonte në Concesio dhe tjetri në La Spezia.
Kokaina vinte në Itali me makina, duke krijuar hapësira të posaçme në pjesë e parakolpit si dhe duke mbushur sediljet e pasme. Në një rast, policia ka arritur sekuestrojë 10 pako me kokainë me peshë 10 kg. Njeriu i organizatës i kapur nga policia për sasinë e drogës, ishte një 41 vjeçar shqiptar, i arrestuar menjëherë.
Më pas, nisën bastisjet dhe arrestimet e bashkëpunëtorëve. Pak ditë më parë, dy shqiptarë të tjerë përkatësisht 32 dhe 27 vjeç, janë arrestuar ndërsa banesat e tyre u bastisën, duke gjetur sasi të konsiderueshme droge dhe telefona celularë. Në një banesë në Concesio, një sasi prej 300 gram kokainë ishte fshehur në një tunel, ndërsa u gjetën edhe 30 mijë euro të fshehura në pjesën e pasme të një fotoje muri.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
