Këshilli i Lartë i Drejtësisë do të mblidhet në orën 13:00 në lidhje me skandalin seksual të denoncuar në emisionin investigativ “Stop” ku denoncohet kryetari i Gjykatës së Gjirokastrës.
“Sot në orën 13: 00 do të ketë mbledhje. Ngjarja është e turpshme dhe e papranueshme për një gjyqtar.
Ky kryetar gjykate nuk mund të jetë më. Nuk mund të jetë as gjyqtar. Do kërkoj të pezullohet derisa të plotësohen procedurat për shkarkimin e tij””, bëri të ditur sot për mediat, ministri i Drejtësisë Ylli Manjani.
