Burimet zyrtare të Drejtorisë Vendore të Policisë së Durrësit, bëjnë të ditur se specialistët për Krimet në Komisariatin e Policisë Shijak po punojnë për gjetjen e 33-vjeçares I. M., banuese në Tiranë.
Të njëjta burime saktësojnë se, më datë 27. 10. 2016, ora 13:45, ka bërë kallëzim babai i saj, S. K. 60 vjeç, banues në Shijak, pasi vajza e tij para një viti ka braktisur dy fëmijët e saj të mitur (12 dhe 8 vjeçe), duke u larguar për në Itali dhe nuk është kthyer më.
Aktualisht fëmijët banojnë në Tiranë te babai i tyre, K. M.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Braktisja e fëmijëve të mitur” parashikuar në nenin 124 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
