FOTO/”Po falimentojnë”, PD takon biznesin fason: Kemi program të qartë dhe të thjeshtë për rimëkëmbjen ekonomike

Dorian Teliti dhe perfaqesues te PD kane zhvilluar takim me biznesin fason ku pasi jane njohur me problemet, kanë shpalosur programin e tyre për rimëkëmbjen ekonomike.

Teliti jep detajet duke treguar se bashkë me Gjergji Gjikën (Kryetarin e Shoqatës së Fasonistëve të Shqipërisë), Dhuratën dhe Flamurin pane nga afër aktivitetin e një biznesi fason në periferi të Tiranës, ku situata paraqitej e rëndë në kushtet e taksave tejet të larta, cmimit të rritur të energjisë elektrike, mosrimbursimit të TVSH-së, kontrolleve të shpeshta dhe abuzive të taksidarëve.

Sipas tyre, për biznesin tejet shqetësuese paraqitet edhe situata me rënien e pajustifikuar të kursit të këmbimit për shkak të futjes në treg të qindra milionë euro parave të pista të drogës, duke humbur edhe ato pak fitime që siguronin nga kontratat e tyre porositëse.
Keto kushte ia bëjnë shumë të vështirë vijimin e veprimtarisë këtij biznesi, përmes të cilit ushqehen dhe mbajnë familjen me dhjetëra punëtore.

“Qeveria e litarit në fyt për të pamundurit dhe e bllokimit të frymëmarrjes për biznesin.
KCK dhe gjobit kë të mundësh, kështu janë kthyer inspektorët e taksave dhe të takimeve, të cilët përmes kontrolleve abuzive kanë krijuar frikë dhe pasiguri për biznesin, duke i detyruar shpeshherë që të ulin edhe qepenin.

Biznesi dhe lehtësirat ndaj tij duhet të jenë pritoritet për zhvillimin ekonomik të vendit, por shqiptarët prej më shumë se 6 vitesh po shohin cdo ditë rrënimin e tyre“,-shprehet Teliti.

Teliti siguroi se Partia Demokratike është në krah të biznesit dhe në krah të qytetarëve. Sipas tij, PD ka programin e saj të qartë dhe të thjeshtë për rimëkëmbjen ekonomike dhe mbështetjen e biznesit të madh, përmes uljes deri në 40 përqind të cmimit të energjisë për biznesin; vendosjen e taksës së sheshtë 9 përqind tatim fitimi, shkalla të larta amortizimi, rimbursim të menjëhershëm të TVSH, e vecanërisht duke eliminuar burokracitë e tepërta me qëllim mbajtjen larg nga biznesi të inspektorëve tatimor, të cilët më shumë se sa për kontrolle rutinë shkojnë e ushtrojnë presion ndaj biznesit.

“Është koha për të punuar për shqiptarët dhe jo për oborrin qeveritar.Është koha për të punuar për të nesërmen e këtij vendi dhe jo për ta dhënë Shqipërinë si plackë PPP për oligarkët”,-shprehet ai.

/DRONI.al/