E diela përgjithësisht është ditë pushimi dhe këtë ditë ka shumë persona të moshës së tretë ose në mesomoshë që preferojnë ta kalojnë mëngjesin, ose orët e para të ditës, duke luajtur tavëll apo domino.
Mirëpo ka edhe raste kur këto lojëra të mëngjesit shndërrohen në sherre banale dhe mizore mes lojtarëve. Një ngjarje e tillë e rëndë ka ndodhur sot në Shkodër, ku dy persona janë konfliktuar mes tyre, ndërsa kanë qenë duke luajtur.
Qytetarja që ka sjellë videon në redaksinë e Jetaoshqef bën me dije se personi që është në biçikletë goditi me stol në kokë, duke e çarë e duke i nxjerr gjakun lumë, shokut të tij të lojës, i cili ra në tokë gati pa ndjenja (siç mund ta shikoni edhe në video).
Një person i tretë (ai që në video mban stolin në dorë) është futur për të ndëshkuar personin që u largua me shpejtësi, pasi hipi në biçikletën e tij, ndërsa është penguar nga njerëzit që ndodheshin në atë moment në vendngjarje.
Policia mbërriti, por ishte shumë vonë, pasi autori tashmë ishte zhdukur, ndërsa pas ka lënë vetëm viktimën e gjakosur.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
