Ish-deputeti Luçiano Boçi ka denoncuar ditën e sotme, mungesën e kartave të studentit, një premtim ky i ministres dhe qeverisë Rama, pas protestës së studentëve.
Boçi i referohet rastit të fundit në Elbasan, ku ministrja u shpreh se ishin shpërndarë kartat e para, por sipas ish-deputetit ato nuk ekzistojnë.
Ish-deputeti shkruan se Besa nuk i shpjegoi studentëve mbylljen e degëve themelore e katandisjen e disa prej tyre deri në 5 studentë.
“Nuk i dha përgjigje as për tarifat e larta të masterit, as për mungesën e doktoraturës e as për kushtet skandaloze të konvikteve”-shprehet më tej Boçi.
DENONCIMI I PLOTE – PATURPËSIA E BESËS
Ministrja e Arsimit mashtron paturpësisht publikisht. Paturpësia për këta nuk paska cak! Në takimin e djeshëm në Elbasan ka pretenduar se ka shpërndarë kartat e para të studentit.
Ka pozuar vetëm me një kartë në dorë që nuk dihet kujt i destinohej. Ministrja ka derdhur djersën e rradhës të postimit sa për sy e faqe në FCB e Instagram, se për shërbim ndaj studentëve nuk bëhet fjalë. Studentëve nuk i është bërë kurrfarë shpërndarje. Në asnjë degë apo cikël studimi.
Karta nuk ekziston. Nuk ekziston asnjë shërbim i favorizuar për studentët.
Në takim Besa nuk i është përgjigjur kërkesës së studentëve për bursim të plotë për degët e mbrojtura, siç duhet të jetë mësuesia. Besa nuk i shpjegoi studentëve mbylljen e degëve themelore e katandisjen e disa prej tyre deri në 5 studentë.
Nuk i dha përgjigje as për tarifat e larta të masterit, as për mungesën e doktoraturës e as për kushtet skandaloze të konvikteve. Nuk dha përgjigje as për mungesën e investimeve prej disa vitesh në Universitetet publike. Besa thjesht bëri detyrën si shefi i saj Rama:
Erdhi, pa, mashtroi paturpësisht!
//DRONI.al//
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
