Një adoleshent është vënë në pranga nga policia e Fierit, pasi ka tentuar të vrasë me thikë moshatarin e tij. “Eshtë arrestuar në flagrancë nga policia e Fierit shtetasi M.B, 17 vjeç, banues në Mallakastër” njofton policia. Sipas saj, “arrestimi i shtetasit të mësipërm u bë për veprën penale “Vrasje e mbetur në tentativë”, pasi më datën 03.11.2016, në Mallakastër, ka tentuar të vrasë me thikë duke e goditur disa herë shtetasin Rr.A, 17 vjeç”. Ngjarja sipas bluve ka ndodhur pas një grindje që kanë pasur për motive të dobëta dy adoleshentët. 17 vjeçari Rr.A aktualisht ndodhet në Spitalin Rajonal Fier, jashtë rrezikut për jetën.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
