Ndërsa na ndajnë më pak se 6 ditë nga përballja me Izraelin, për teknikun italian të kombëtares kuqezi dita e sotme ia ka bërë edhe më të vështirë përzgjedhjen për repartin sulmues.
Ndërsa Balaj shënoi dy herë për Terek Grozni ndaj Zenitit, Shkëlzen Gashi i është kundërpërgjigjur me një supergol nga SHBA me ekipin e tij Colorado Rapids.
Sulmuesi shqiptari shënoi një gol fantastik nga rreth 40 metra në të 36’, në ndeshjen e play-offit ndaj Los Angeles Galaxy, pjesë e së cilës është edhe Steven Gerrard.
Ndeshja e parë e play off përfundoi 1-0 për Los Angeles Galaxy dhe goli i Gashit ka shtuar shpresat për kualifikim ekipit të tij, Colorado Rapids, që arriti të kalonte skuadrln e britanikut Gerrard pas gjuatjeve të penalltive.
Gashi u zëvendësua në pjesën e dytë dhe minutat në vijim nuk sollën asgjë të re, 90 minutat përfunduan me rezultatin 1-0, çka e çoi ndeshjen në kohën shtesë.
Edhe në shtesë asnjë prej ekipeve nuk arriti të shënojë dhe gjithçka u vendos nga pika e bardhë ku shokët e skuadrës së Gashit rezultuan më të saktë, duke fituar me penallti 3-1.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
