Koco Kokëdhimës i pëlqen ku i thonë Trump: Do nisë lëvizje të re post Blush në PS

Ish-deputeti i Partisë Socialiste, Koço Kokëdhima ndërsa analizon zgjedhjet në SHBA thotëse jehona dhe motivimi amerikan për të zgjedhur Trump do të gjejë shtrat edhe në Shqipëri.

Kokëdhima tha se në vendin tonë ka një hendek të madh mes establishmentit dhe qytetarëve ndërsa po vijon një maratonë të papritur intervistash në disa prej televizioneve më të shikuara në vend.

“Kush i përfaqëson të papunës, viktimat e drejtësisë, ata që përballën me arrogancën e zyrtarëve, të përmbyturit, familjet që nuk kanë mundësi që të bëjnë qoftë një festë familjare në vit”, tha Kokëdhima.

Ish-deputeti i PS-së Kokëdhima deklaroi në emisionin Studio e Hapur të Eni Vasilit se nuk ka ndërmend të largohet nga PS, është socialist, është i majtë, përkundrazi do të krijojë një lëvizje brenda PS-së për ta reformuar atë dhe për të ndryshuar rregullat e përzgjedhjes së deputetëve.

“Do të krijoj lëvizje brenda PS-së që synon reformimin e PS-së që përfaqësuesit e partisë si zgjedhin anëtarët e partisë. Javët e ardhshme do ta prezanton lëvizjen si alternative debati në bazën e Partisë Socialiste. Jemi afër zgjedhjeve, dhe këtë gjë do ta bëj me kujdes që të mos dëmtoi objektivat elektorale të PS-së”, tha Kokëdhima.

Gjithashtu, Kokëdhima për herë të dytë në harkun enjë jave tha se ai nuk mbështet Ramën në idenë e përfshirjes së Xhorxh Sorosit në jetën publike në Shqipëri dhe në reformën e drejtësisë.

“Është e rrezikshme që të përziet fondacioni i Sorosit në ambiciet e Shqipërisë”, u shpreh Kokëdhima. “Soros nuk duhet te perzihet ne ndikime politike”, tha ai.

Kokëdhima ashtu si shumë të tjerë janë pjesë e astablishmentit reaksionar shqiptar, megjithatë nuk kërkon në asnjë moment falje për prapambetjen e vendit dhe ndërkohë as përmbajtja e studios nuk bëri edhe përpjekjen më të vogël ti vërë në dukje se ai nuk është jashtë establishmentit.

/DRONI.al/