Gjatë diskutimeve dhe debateve të forta në Kuvend, Kreu i Grupit Parlamentar të PS, Tualant Balla njoftoi se PS ka filluar terheqjen nga ligjet që i harton vetë.
Pasi Edi Rama e shndërroi në refren të fushatës elektorale burgun dhe shpalljen non grata në SHBA e BE për ata që kryejnë krime zgjedhore, PS është terhequr nga ky ligj.
Sot në Kuvend, Taulant Balla deklaroi se amendamenti në Kodin Penal që ndalonte daljen jashtë vendit për ata që prekin zgjedhjet, do të tërhiqet për ta konsultuar edhe më gjerësisht me opozitën parlamentare.
“Kemi menduar që amendamenti mos të votohet sot edhe me mendimin e opozitës, dhe të jetë pjese i një diskutimi më të gjerë me ndëshkime alternative”, deklaroi Taulant Balla.
Deputeti i opozitës Myslim Murrizi, ironizoi keto vendime në foltoren e Kuvendit duke thënë: “U gëzova që e paskeni heq rrethimin me gjemba të Shqipërisë, siç e kemi patur nga 1945 deri në 1990. Kemi 9 vjet që jemi çliruar nga ky burg, me heqjen e vizave, dhe ju donit që kush t’i prishte qetësinë partisë të rrinte 10 vjet në një burg 28 mijë kilometra katrorë”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
