Ish-kryeministri maqedonas, Nikolla Gruevski, është arrestuar ditën e sotme nga policia hungareze në Budapest. Sipas medieve hungareze, Gruevski u arrestua mëngjesin e sotëm në Budapest pas kërkesës së gjykatës. Nga pamjet shihet se Gruevski ka pranga në duar.
Maqedonia e Veriut kërkoi ekstradimin për vuajtjen e dënimit me burg prej dy vjetësh për lëndën e PSP “Tanku”. Si dhe ngjarjet e përgjakshme në Kuvend për të cilët dyshohet se ka qenë organizator.
Gruevski ka insistuar më herët që kjo dhe raste të tjera gjyqësore kundër tij janë një strukturë politike, e caktuar nga qeveria e re e udhëhequr nga Bashkimi Social Demokratik, SDSM.
Gruevski shërbeu si kryeministër i Maqedonisë nga 2006 në 2016. Partia e tij e djathtë VMRO DPMNE u rrëzua në 2017 pas një krize të zgjatur politike në të cilën ai dhe bashkëpunëtorët e tij të ngushtë u akuzuan për imponimin e sundimit autoritar dhe përfshirjen në korrupsion.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
