Protesta e tyre ka ditë, javë dhe ndoshta muaj që vijon, ndërsa kërkesa e tyre është e qartë. Ata kërkojnë miratimin e statusit të tyre.
Ndërsa këtë herë kanë bërë një tubim ndryshe nga herë e tjera. Këtë herë ndryshe nga sa jemi mësuar, ata nuk kanë dalë as para Kuvendit, as para zyrës së Ramës, por përballë RTSH-së, pasi e akuzojnë se nuk pasqyrojnë hallet që ata kanë.
Me megafon në dorë ata bëjnë thirrje që televizioni publik, që mbahet dhe nga taksat e tyre të publikojë shqetësimet që ata ngrenë.
“Ne kërkojmë djersën, ne kërkojmë hakun, ne kërkojmë gjakun. Ndaj mos u fshihni dilni në shesh dhe pasqyroni çfarë themi ne, jo çfarë thonë hajdutët, jo çfarë thonë qeveritarët, jo çfarë thonë banditët. ISSH bandë hajdutësh”, janë shprehur ndër të tjera minatorët.
