Mbi një ton kanabis është sekuestruar nga policia italiane në Catania. Sipas mediave të shtetit fqinjë, në pranga kanë përfunduar 6 italianë, tregtarë të mëdhenj droge në Catania.
E gjithë lënda narkotike, me vlerë 3 milionë euro, do të “hiqej” për tregun vendas me pakicë. Policia kishte marrë informacione se 6 italianët, të njohur dhe më parë në aktivitetin e drogës, do të sillnin një ngarkesë të madhe droge, e cila ishte “Made in Albania”.
Mediat italiane shkruajnë se droga u fut në shtetin fqinj me gomone nga Shqipëria. Lënda narkotike u sekuestrua në momentin që po lëvizte me një kamion nga porti.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
