Policia italiane ka shkatërruar një bandë shqiptarësh të akuzuar për kontrollin e trafikut të drogës dhe prostitucionit në Milano.
Mediat italiane raportojnë se në vijim të operacionit të koduar “Toka jonë” janë ekzkuetuar sot 14 urdhër-arreste për akuzat e “shfrytëzimit të prostitucionit” dhe “trafikut ndërkombëtar të drogës”.
Burime të policisë bëjnë me dije se grupi shqiptar ishte vënë në ndjekje që në janar të 2015, kur policia e Milanos kishte zbuluar lidhjet e tyre me trafikun e drogës dhe njerëzve dhe mundi të arrestojë dy shqiptarë, të cilët u kapën me kokainë.
Nga hetimet ka rezultuar se shqiptarët shfrytëzonin vajza nga Rumania e Moldavia dhe paratë që fitoheshin nga ky aktivitet i hidhnin në trafikun e kokainës nga Holanda për në Itali.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
