Ish-Presidenti i Republikës, Bujar Nishani, kryetar i Këshillit Kombëtar të PD-së, deklaroi në Open se themelimi i partisë së re nuk është një zhvillim real por i stisur.
“Ne jemi vend i lirë dhe kushdo mund të përfshihet në politike, por këtu çështja është gjetkë.
Edi Rama ka 20 vite në pushtet dhe nuk ka ofruar asnjë shërbim e kontribut publik.
Sipas Nishanit, është Edi Rama që ka ndikuar dhe financuar një fasadë politike siç është kjo lëvizje”, tha Nishani.
Bindja Demokratike”, partia më e re opozitare besohet se u krijua sot në mbrëmje, pasi kryetari i saj Astrit Patozi ka mbledhur rreth orës 19:00 në një zyrë pranë Liqenit Artificial, të pakënaqurit e Partisë Demokratike.
Nje nga deputetët që kanë marrë pjesë në mbledhjen themeluese të Bindjes Demokratike është Andi Përmeti, deputeti që hyri në Kuvend nga lista e PD-së së Korçës.
Hyrja e Përmetit ia lehtëson Patozit regjistrimin e partisë në Gjykatë, pasi nuk do i duhen 3 mijë firma.
Ish-nënkryetari i Partisë Demokratike, Astrit Patozi, ka folur live në një lidhje për emisionin Open të Eni Vasilit, duke thënë se komunikimi i tij me publikun nuk do të ketë detaje, pasi sipas tij nesër do të ketë një qëndrim të qartë politik për themelimin e “Bindja Demokratike”.
Patozi pasi foli shkurt me gazetarët i uroi atyre: Natën e mirë!
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
