Policia e Romës arrestoi një 30-vjeçar shqiptar me akuzën e zotërimit të lëndëve narkotike me qëllim shitjen e tyre. Në banesën e tij u gjetën plot 100 kilogramë hashash, 40 kilogramë marijuanë dhe 3.5 kilogramë kokainë.
Policët e kanë pikasur shqiptarin teksa përpiqej të fshihte një çantë në bagazhin e motorit dhe provoi të largohej me shpejtësi sapo vuri re praninë e tyre.
I bllokuar pas një ndjekjeje të shkurtër, atij iu gjetën 6 kilogramë hashash dhe disa tufa çelësash. Në banesë më pas iu gjet edhe sasia e madhe e drogës.
Shqiptari i arrestuar tashmë gjendet në burgun Regina Coeli, në pritje të procesit hetimor.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
