Gazetarja Klodiana Lala e ftuar në emisionin “Dritare me Rudinën” në News 24 ka komentuar dinamikën e grabitjes së 10 milionë eurove në aeroportin e Rinasit. Gazetarja Lala u shpreh se një nga grabitësit, i cili mbeti i vrarë mbante një maskë silikoni për t’u dukur më i moshuar.
Ajo shton se ai u vra 300 metra larg aeroportit.
“Personi i vrarë, duket si punonjës sigurie në aeroport. Personi u vra rreth 300 m larg aeroportit. Grabitësit detyrojnë punonjësit të ulen përtokë. Grabitësi i vrarë, jo më shumë se 35 vjeç. Grabitësi kishte vendosur një maskë silikoni për t’u dukur më i moshuar. Janë marrë shenjat e gishtërinjve për identifikimin.
Grabitësit përdorën darë për të hapur portën. Skena e ngjarjes u pa nga pasagjerët në avion. Kur u konstatua se persona të panjohur kishin hyrë, u njoftua ICTS. Autorët nëpërmjet një ure të vogël kanë tentuar të largohen. Paraprakisht dyshohet se janë 10 mln euro të grabitur. Deri tani nuk ka asnjë të arrestuar.”-u shpreh ajo.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
