Ish deputeti i PD: Kriza nuk u krijua nga lënia e mandateve, por nga Edi Rama

Ish-deputeti i PD, Aldo Bumçi, nga studio e ABC News ka komentuar krizën politike në vend dhe deklaratat e zyrtarit të lartë të DASH gjatë vizitës në Tiranë Mathew Palmer. Bumçi tha se kriza në Shqipëri nuk është artificiale se ndryshe nuk do të kishte vizita të zyrtarëve të lartë europianë dhe amerikanë, ndërsa drejton gishtin te Edi Rama si përgjegjës dhe shkaktar të kësaj krize.

“Ne nuk presim që ata të mirëkuptojnë dhe të dalin në mbështetje të djegies së mandateve, ne jemi realistë. Kriza nuk është krijuar nga djegia e mandateve por nga gjendja që ka krijuar Rama. Ky është thelbi i krizës, kriza nuk është dalja jonë nga Kuvendi”

Bumçi duke shkuar përtej gjuhës diplomatike, thotë se sa i përket gjendjes së rëndë në Shqipëri, opozita ndan qëndrime të njëjta me ndërkombëtarët dhe për këtë sjell Raportin e DASH i cili sipas tij, ngre të njëjtat shqetësime që ka ngritur prej kohësh opozita.
“Raporti i Departamentit Amerikan të Shtetit thotë se Shqipëria është kthyer një nga porta kryesore e futjes së drograve të rënda në europë. Këtë themi dhe ne!

Raporti për disa vite me rradhë thotë se Shqipëria është baze për rrjetet e trafikut të drogërave të forta nga Amerika Latine deri në Europë. Kjo situatë sipas raportit të fundit, është krijuar për shkak të korrupsionit deri në nivelet më të larta. Këtë themi dhe ne! Raporti i DASH nuk thotë se trafikun e dorgës e krioi lënia e mandateve. Nga raporti DASH dhe nga raportimet e Zërit të Amerikës, opozita shqiptare e gjen veten 100 përqind. Kthimin e Shqipërisë në narkoshtet nuk e bëri opozita, as takset më të larta si bëri opozita. Qeveria përdor gaz dhe ushtron dhunë ndaj grave dhe fëmijëve. Këtë nuk e ka bërë opozita, por një monstër si Edi Rama”.

Duke iu referuar takimit me Palmer, Bumçi thotë se ka qënë një bisedë e hapur ku janë shpalosur të gjithë shqetësimet e Partisë Demokratike për gjendjen e rëndë në Shqipëri.
“Patëm një takim shumë të mirë me Palmer, ku shpalosëm pikpamjet dhe shqetësimet tona”.

Bumçi komentoi edhe deklaratën e zyrtarit amerikan për futjen e opozitës në zgjedhje, ndërsa mohon totalisht se kriza është krijuar artificialisht nga opozita.

“Ne nuk kemi thënë se do të ikim në shpi, por zgjedhje me Edi Ramën nuk mund të ketë. Pranuam të bënim kompromis në vitin 2017 dhe e dimë se çfarë ndodhi. Zgjedhjet u blenë. Kjo nuk mund të ndodhë më, ne nuk mund të shkojmë në zgjedhje me Edi Ramën. Mediat e huaja e kanë pohuar se në Shqipëqri shitet drogë dhe blihen votat. Nëse kriza është artificiale, nuk ka vizita të zyrtarëve të lartë. Kriza është e vërtetë dhe ata janë të shqetësuar për gjendjen. Janë të shqetësuar për kriminalitetin, drogë etj. Ne nuk presim të na thonë; bravo që dogjët mandatet. A po përgatitemi ne për zgjedhje? Po! Zgjdhje ka për të pasur, por jo me Edi Ramën

Po a kanë pasur sukses mekanizmat e opozitës, veçanërisht protestat e njëpasnjëshme?

“Rezultati i protestave është në tre drejtime: Në një muaj e gjysëm protestat i kanë treguar botës krizën ku është zhytur Shqipëria. Fasada e rreme ra përtokë. Shqiptarët e vranë frikën dhe janë në këmbë.
Media që flet për narkoshtet në mes të Europës që shet drogë e blen vota. Shqipëria e vërtetë është në qëndër të vëmendjes, jo ajo e gënjeshtërta e Edi Ramës

/DRONI.al/